SHIRIKA LA FASO LAFANYA SEMINA YA KILIMO KWA VIJANA KATIKA KATA YA KAHE,MOSHI VIJIJINI.

 Shirika lisilo la kiserikari la Fumbuka Agro Solution Organization (FASO) limefanya semina ya kilimo kwa vijana wa kata ya kahe moshi vijijini siku ya jumamosi, tarehe 11/08/2012. Katika semina hiyo jumla ya vijana therathini (30) kutoka vijiji 6 (kila kijiji vijana 5), vijiji hivyo ni Ngasinyi,Oria,Mawalla,Mwangaria,Kisangesangeni na Rau waliudhulia semina hiyo ya mafunzo. Akizindua semina hiyo Diwani wa kata ya Kahe Mh.Aminiel Kimati amewataka vijana kufanya kazi na kuwa wavumilivu kusubili mafanikio bila kuwa na haraka. Diwani huyo amewataka vijana waudhulie katika semina mbalimbali za maendeleo na waache tabia ya kudai posho katika semina hizo kwani semina hizo ni kwa ajili ya maendeleo yao.

Afisa kilimo na mifugo wa kata ya Kahe Bw.Lekule amewataka vijana hao kufanya kitu cha ziada baada ya semina hiyo badala ya kusikiliza na kuacha mambo hayo waliyojifunza yaishie hewani. Mkufunzi wa semina hiyo Mwl.Mushi kutoka chuo cha Kilimo na Mifugo Mwangaria aliwafundisha vijana hao jinsi ya kuchagua mazao bora kulingana na hali ya hewa ya ukanda wao. Vile vile mkufunzi huyo aliwafundisha vijana hao jinsi ya kuchagua pembejeo bora za kilimo kama mbegu, mbolea na madawa ya kuulia wadudu.

Mkurugenzi wa FASO Bw.Innocent Mbele na Meneja miradi Ndg. Moringe Allayana kwa pamoja wamewataka vijana hao kuzingatia mbinu bora za kilimo na kuacha kulima kwa mazoea. Vilevile watendaji hao wa shirika la FASO wamewataka vijana hao wajiunge katika vikundi ili wafanye kazi kwa pamoja na kunufaika na fursa mbalimbali.

Washiriki wa semina hiyo wameonyesha kufurahishwa kwa kufanyika kwa semina hiyo na wameliomba shirika la FASO kuandaa semina nyingine kama hiyo katika kata ya kahe na vitongoji vyake.

Afisa Maendeleo ya jamii kata ya kahe akimkaribisha mgeni rasmi.

Diwani wa kata ya Kahe, Mh. Aminiel Kimati (aliyesimama) akifungua semina hiyo.

 Afisa Kilimo na Mifugo Kata ya Kahe, Ndg.Lekule akiongea na wananchi.

Mwl. Mushi kutoka chuo cha Mwangaria akitoa elimu ya kilimo kwa vijana.

Mwl. Mushi akifundisha vijana.

Meneja miradi ya FASO, Ndg Moringe Allayana (kulia) na wanasemina wakifuatilia kwa makini.

Mwl.Mushi na Bw.Lekule wote kwa pamoja wakisisitiza jambo.

 Kijana wa Kahe akiuliza swali katika semina hiyo.

Mkurugenzi mtendaji wa FASO, Bw.Mbele akinukuhu mambo mbalimbali katika semina hiyo.

Vijana wakifuatilia kwa makini semina hiyo.

Mkurugenzi mtendaji wa FASO, Bw.Mbele (aliyechuchumaa mwisho kulia) akiwa na wana semina.

 Meneja miradi ya FASO, Bw. Moringe Allayana (aliyechuchumaa mwisho kulia) akiwa na wanasemina

Afisa Kilimo wa kata ya kahe Ndg Lekule (kushoto), Kijana wa Kahe, Mwl. Mushi na Bw.Mbele (kulia)wakiwa katika picha ya pamoja

FASO YATEMBELEA CHUO CHA KILIMO NA UFUGAJI MWANGARIA.

 Katika harakati zake za kupunguza umaskini kwa kuimiza kilimo na ujasiriamali, shirika la FASO limetembelea chuo cha kilimo na ufugaji cha MWANGARIA kilichopo kata ya KAHE,Moshi Tanzania.Lengo la ziara hiyo lilikuwa kujenga mahusiano kati ya shirika la FASO na chuo hicho. Mahusiano hayo yamezaa matunda kwa kuanza kuandaa semina ya mafunzo kwa vijana katika kata ya KAHE.

Meneja miradi ya FASO, Ndg .Moringe akipeana mkono na mkuu wa chuo hicho, Mzee Ngitiama

Mkurugenzi mtendaji wa FASO,Bw.Mbele akipeana mkono na mkuu wa chuo hicho cha kilimo, Mzee Ngitiama.

Baadhi ya madarasa ya chuo hicho.

FASO YAFANYA ZIARA KUTEMBELEA WAKULIMA.

SHIRIKA LA FASO LIMEFANYA ZIARA KUTEMBELEA KIKUNDI CHA WAKULIMA "MSHIKAMANO GROUP" KINACHOFANYA SHUGHULI ZAKE MAENEO YA MSARANGA, MOSHI. KIKUNDI HICHO KINAJIHUSISHA NA KILIMO CHA MBOGAMBOGA NA KINAJUMUISHA WANACHAMA MBALIMBALI WENGIWAO WAKIWA VIJANA. LENGO LA ZIARA HIYO NI KUJENGA UKARIBU WA KIUTENDAJI KATI YA SHIRIKA NA WAKULIMA. VILE VILE KUTOA USHAURI NA KUJUA MATATIZO YANAYOWAKABILI WAKULIMA HAO WADOGO.

Mkurugenzi mtendaji wa shirika la FASO akikaguwa mifereji ya maji inayotumiwa na wakulima wa kikundi cha MSHIKAMANO

Meneja miradi ya FASO Bw.Moringe Allayana akiwa na wakulima wa MSHIKAMANO GROUP

FASO YATOA SEMINA KWA WAKAZI WA RAU.

Katika kuendeleza harakati za kuleta mabadiliko (hasa kiuchumi)  katika jamii FASO ilitoa semina fupi kwa wakazi wa kata ya RAU MADUKANI, Moshi mjini. Semina hiyo ilihusu kushawishi wananchi kujiunga katika vikundi vya kuweka na kukopoa (VICOBA). Semina ilifanyika katika mkutano wa hadhara wa kata ya RAU ulioitishwa na viongozi wa kata hiyo viwanja vya RAU madukani mjini Moshi..

 MKURUGENZI MTENDAJI WA FASO NDG. INNOCENT MBELE AKITOA SEMINA HIYO KWA WAKAZI WA RAU.

WAKAZI WA RAU KATIKA SEMINA YA VICOBA.

The United States African Development Foundation (USADF) provides a grant to Kongwa Cereal Growers Association

 Pictured are the Tanzania Country Program Coordinator of the U.S African Development foundation Godfrey Kassanga (left) presenting an official grant document to the Chairman of Kongwa Cereals Growers Association  Jeremiah Mwimbe Maina  (Third from right front row)during a grant signing ceremony held at USADF offices in Dar es Salaam on May 10, 2012. Witnessing the event were the USAID Trade and Investment Advisor Eric Johnson, Managing Director of Centre for Sustainable Development Initiative William Massawe (second from left) and some members and staff of CHAWANAKO.

CHAWANAKO's  Chairman Jeremiah Maina (Seated second from right) and Executive Secretary Jeremiah Mtagwa (centre seated)  signing on behalf of their association a grant document during a brief ceremony held at USADF offices in Dar es Salaam on May 10, 2012. Witnessing the event were the USAID Trade and Investment Advisor Eric Johnson (standing second from right), USADF Tanzania Country Program Coordinator Godfrey Kassanga (standing second from left) Managing Director of Centre for Sustainable Development Initiative William Massawe and some members and staff of CHAWANAKO.Photo courtesy of the American Embassy in Tanzania

---

The United States African Development Foundation (USADF) has provided a Tshs 116,575,000 (USD 100,000) grant to Kongwa Cereal Growers Association (CHAWANAKO) of Kongwa District in Dodoma to enable the Association implement its High Quality Food Grains Production and Marketing Project. The two years project aims at enhancing the association's prospects for sustainable food grains business expansion by supporting its more than 100 farmer members improve their cultivation and agronomy capacity.

Matumizi ya ardhi yashirikishe jamii

MIGOGORO ya ardhi imeendelea kuzikumba jamii nyingi katika maeneo mbalimbali nchini hivyo kusababisha migogoro.
Jamii inatumia muda mwingi kutatua migogoro hiyo badala ya kufanya shughuli za maendeleo.

Hali hiyo inatokana na ukweli kwamba, ardhi ndio tegemeo kubwa kwa jamii za wakulima na wafugaji ambao ndio sehemu kubwa ya Watanzania.

Ardhi ndio mtaji pekee ambao Watanzania wengi waishio vijijini wanaitegemea kwa ajili ya shughuli mbalimbali za kuweza kuwapatia chakula na kipato.

Licha ya kuwepo kwa mamlaka zinazohusika na usimamizi pamoja na ugawaji wa ardhi, migogoro hiyo imeendelea kuwa sehemu ya maisha kwa jamii nyingi.

Kama sheria za usimamizi na umiliki wa ardhi zipo, kitu gani kinasababisha migogoro ambayo inagharimu maisha na mali za Watanzania wasio na hatia?

Sisi tunasema kuwa, sheria za ardhi zinatoa haki ya kutumia ardhi na si kuimiliki hivyo inatosha kumhakikishia mtu kuwa, kitu chochote ambacho atakiendeleza katika ardhi husika, kitalindwa kwa maslahi yake si lazima kumwambia ardhi hiyo ni yako ili aiendeleze.


Migogoro ya ardhi husababishwa na mambo mbalimbali ambayo baadhi yake ni upungufu katika sheria za ardhi, mamlaka zinazohusika na ugawaji wa viwanja kugawa kiwanja kimoja kwa mtu zaidi ya mmoja na fidia ndogo.

Licha ya kufanyika marekebisho katika sheria za kusimamia matumizi ya ardhi, bado migogoro hiyo imeendelea kuchukua nafasi miongoni mwa jamii nyingi za Kitanzania.

Upo umuhimu mkubwa wa kushirikisha jamii katika kufanya maamuzi yanayohusu matumizi ya ardhi. Kama wananchi watashirikishwa, migogoro mingi iliyopo vijiji itapungua.

Ipo tabia ya baadhi ya Halmashauri za vijiji, kupitisha taarifa feki inayoamua matumizi ya ardhi ya kijiji bila ridhaa ya wananchi.

Serikali nayo inachangia migogoro hii pale inaposhindwa kulipa fidia kwa wananchi baada ya kutwaa ardhi kwa ajili ya kufanikisha miradi mbalimbali ya maendeleo.

Umefika wakati wa wananchi kuelimishwa juu ya sheria mbalimbali za ardhi ili watambue haki na wajibu wao katika suala zima la umiliki na matumizi ya yake.

CHANZO; MAJIRA

Vijana watakiwa kujenga utamaduniwa wa kujitolea shughuli za maendeleo

VIJANA wametakiwa kujenga utamaduni wa kujitolea na kutoa michango katika shughuli mbalimbali za kijamii bila kusubiri kusukumwa kufanya hivyo.

Wito huo umetolewa na Meneja Masoko wa Chuo kikuu cha Dar es salaam(UDSM), Dk Omary Mbura alipokuwa akitoa mada katika warsha iliyowahusisha wanafunzi wa chuo hicho jana jijini.
Alisema , vijana hawana budi kutumia nguvu , jitihada na uwezo wao katika kuchangia shughuli za kijamii ili taifa linufaike kupitia wao kwa kuwa sehemu kubwa ya maendeleo ya nchi inategemea nguvu kazi ya vijana.

“Vijana ndiyo nguvu kazi ya taifa ni jukumu la kila mmoja wenu kwa nafasi yake kuhakikisha anachangia katika shughuli za kijamii, lengo ikiwa ni kuliletea maendeleo taifa ambalo kwa kiasi kikubwa linategemea utendaji kazi mzuri wa vijana”alisema Mbura

Aliongeza kuwa , sehemu kubwa ya vijana wanaomaliza katika chuo hicho wanaenda kuwa viongozi katika sekta mbalimbali hivyo hawana budi kutumia mafunzo waliyopata kuwa mfano bora katika kulilietea taifa maendeleo.

Naye Muhsin Masoud ambaye alikuwa mwezeshaji katika warsha hiyo alisema, wakati umefika sasa kwa vijana kubadilika na kufanya mambo ambayo kwa namna moja ama nyingine yatakuwa na mchango mkubwa kwa taifa.
Alisema vijana hawana budi kupingana na mmomnyoko wa maadili ambao unaonekana kushika hatamu kwa sasa na badala yake wazingatie maadili pamoja na kanuni ambazo hazina lengo la kupindisha sheria.
CHANZO: MWANANCHI

16th April 2012

Mtandao wa Vikundi vya Wakulima Wadogo Tanzania (Mviwata) umeandaa kongamano la kitaifa ambalo pamoja na mambo mengine litajadili na kutoa tamko la kupinga mauaji ya wakulima wadogo nchini, wanaouawa katika harakati za kutetea ardhi yao.

Kongamano hilo linatarajiwa kufanyika mjini Morogoro kesho ikiwa ni sehemu ya Maadhimisho ya siku ya Wakulima Wadogo Ulimwenguni, litajadili athari za uporaji wa ardhi kwa wazalishaji wadogo nchini.

Aprili 17 kila mwaka ni siku ya maadhimisho ya harakati za wakulima wadogo ulimwenguni. Maadhimisho hayo hufanyika ikiwa ni kumbukumbu ya mauaji ya wakulima wadogo 19 yaliyotokea nchini Brazil mwaka 1996 wakiwa katika harakati za kutetea haki yao na kuzuia uporaji wa ardhi waliyokuwa wakiitegemea kwa uzalishaji.

Mratibu wa maandalizi ya kongamano hilo, Thomas Laiser, alisema jana kuwa Mviwata imeandaa kongamano hilo ili kuzungumzia mustakabali wa wakulima wadogo Tanzania, ikiwemo mauaji ya wakulima yanayoendelea kutokea wakati wa harakati za kuwaondoa kwenye maeneo yao.

“Katika miaka ya karibuni nchini Tanzania tumeshuhudia kasi ya uporaji wa ardhi ya wazalishaji wadogo vijijini ikijumuisha matumizi ya nguvu kupita kiasi na hata mauaji jambo ambalo halitoi ishara njema ya hatma ya wakulima na wazalishaji wengine wadogo,” alisema Laiser ambaye pia ni Afisa Ushawishi na Utetezi wa mtandao huo.

Aliongeza kuwa “uhamishwaji kwa nguvu ili kupisha wawekezaji wa ndani na nje na wakati mwingine upanuzi wa ardhi za hifadhi, zimetajwa kuwa sababu za kuhalalisha vitendo hivyo ambavyo vimewaacha wazalishaji wengi wadogo katika baadhi ya maeneo wakiwa wamepoteza makazi, mali na maisha yao.”

Laiser alitolea mfano wa matukio ya kuwahamishwa kwa nguvu wafugaji katika bonde la Ihefu, hifadhi ya Loliondo, Malinyi Ulanga, Meatu, Kiteto na kwingineko nchini yakiwemo mauaji ya wakulima watano wilayani Ulanga siku za karibuni ni mfano wa adha ambazo wazalishaji wadogo wamekuwa wakikabiliana nazo kutokana na uporaji wa ardhi unaoendelea kufanyika.

Kongamano hilo pia litazijadili athari mahsusi zinazowakabili wanawake na watoto vijijini katika harakati za utwaaji ardhi na kutoa wito kwa viongozi wa kisiasa na serikali wa ngazi mbalimbali kuwalinda na kuisimamia haki ya ardhi ya wazalishaji wadogo vijijini.

Laiser alisema kongamano hilo litakuwa na washiriki zaidi ya 90 wakiwemo wakulima 70 kutoka mikoa mbalimbali ya Tanzania kati yao theluthi mbili wakiwa ni wanawake.

Washiriki wengine kwenye kongamano hilo watakuwa ni wanahabari, waalikwa toka mashirika yanayotetea haki za ardhi nchini, wawakilishi wa taasisi zingine za kiraia, wanaharakati, wanataaluma na baadhi ya viongozi na wafanyakazi wa mtandao huo.

CHANZO: NIPASHE